<![CDATA[Дээж.мн - bestseller products]]><![CDATA[Фото зураг угаах үйлчилгээ /Стандарт хэмжээ 10 x 15/]]>400₮

Бид хөдөө орон нутгийн болон цаг зав муутай хэрэглэгчдийнхээ хүсэлтээр фото зураг угаах үйлчилгээ шинээр нэвтрүүллээ. Та Монгол улсын аль ч аймаг хот, сум дүүргээс өөрийн угаалгах зургаа бидэнд илгээснээр таны зургийг мэргэжлийн фото студид угаалган 1-3 хоногийн дотор шуудангаар хүргэж өгөх юм. Энэхүү үйлчилгээ маш хялбархан бөгөөд та угаалгах зургаа дээр харагдаж буй файл хуулах товчийг даран оруулж захиалгаа өгөөрэй.

Түүнчлэн та гадаадын улс орнуудад амьдран суудаг бол эх орондоо байгаа ах дүү, амраг садандаа өөрийн зургаа биднээр угаалгаж илгээж болно.

Таны зургийг хамгийн сүүлийн үеийн техник технологоор мэргэжлийн фото лабораторит чанарын өндөр түвшинд угааж, боловсруулан гардаг. Энэ нь урт удаан хугацааны туршид өнгөө алдаж гандахгүй, гадны ямар нэгэн нөлөөнд /ус, цас, бороо, нарны гэрэл гэх мэт/ чанараа алдахгүй, өнгөний ялгарал байгалийн өнгөөрөө гарч хадгалагддаг давуу талтай юм.

]]>
Fri, 08 Aug 2014 12:34:34 +0000
<![CDATA[Үүлэн бор /зөөлөн хавтастай/]]>12,000₮

Оросын ард түмний аж амьдрал, ахуй соёлыг тусгасан орос ардын шидэт үлгэрүүдийг багтаасан 18 үлгэрээс бүрдсэн зурагт ном.

Дээр үед Радуга хэвлэлийн газрааc эрхлэн гаргаж байсан орос ардын шидэт үлгэрийн түүвэр “ҮҮЛЭН БОР”-оо засаж найруулан хэвлүүлсэн байна. Уншигч хүүхдүүдийг нэгэн цагт үлгэр домогт дуртай  болгон, ном унших сонирхлыг нь оргилуулж байсан энэ сайхан бүтээл өнөөгийн уншигчдын сэтгэлийг татаж, номонд дурлагсадын хүрээг тэлэх нь лавтай юм. 

Энэ номонд орсон үлгэрүүд

- САЙХАН ВАСИЛИСА

- ХӨХ ЧОНО ХӨЛӨГЛӨСӨН ХААН ХҮҮ ИВАН ХОЁР ИВАН

- ГЭРЭЛТ ШОНХОР ФИНИСТ ЭГЧ ДҮҮ ХОЁР ҮҮЛЭН БОР ЖАВАР

- ЭС МЭДЭХ ЗҮГТ ЗОРЧ ҮЛ МЭДЭХ ЮМЫГ АВЧИР ХУН ГАЛУУ

- ШИДЭТ МӨНГӨН ТАВАГ ШИМТ УЛААН АЛИМ

- ИЛБЭТ ЦУРХАЙН ТУШААЛААР

- МЭЛХИЙ ГҮНЖ

- ХАЛТАРМАА

- МАРЬЯ МОРЕВНА

- ОЮУН УХААН ТӨГӨЛДӨР ОТГОН ХҮҮ ИВАН ДОЛООН СИМЕОН

]]>
Fri, 24 Jan 2014 09:18:33 +0000
<![CDATA[Царцаа шоргоолж хоёр]]>7,500₮

Царцаа шоргоолж хоёр

Үлгэр домогт итгэж өсдөг үнэхээр гайхамшигт хүүхэд нас аа гэж.Эрхэм та хүүхэддээ үлгэр уншиж өгөх завгүй үедээ санаа зоволтгүй бид энэхүү сайхан хүүхдийн ертөнцөд бэлэг болгож 1-12 насны хүүхэд багачууддаа зориулан үлгэрийн сонсдог ном буюу СD-тэй зурагт ном бүтээв.

Бид номондоо Орос, Гүрж, болон бусад орны дэлхийд алдартай ардын үлгэрүүдээс түүвэрлэн оруулсан юм. Үлгэрийн ном нь жүжигчилсэн дуу, чимээ хосолсон хэлбэрээр бүтээгдсэн СD -ны хамт хүүхдүүд та бүхэндээ хүрч байна. Үлгэрийн номын зураг дизайн, өнгө будаг нь хэвлэлийн өндөр түвшинд бүтээгдсэн бүтээл юм. Бидний энэхүү сонсдог  үлгэрийн номын  бусад үлгэрийн номноос ялгарах давуу тал нь номонд орсон бүх үлгэрийн баатар, тэдгээрийн үйл явдлыг нэг бүрчлэн зурж үзүүлсэнээрээ онцлог юм. Хүүхэд багачууд үлгэрээ сонсож байхдаа тухайн үлгэрт гарч байгаа үлгэрийн баатруудын дуу хоолой, ан амьтан, байгалийн дуу чимээг СD-сээ сонсож мэдэрхээс гадна, үйл явдлыг нэг бүрчлэн номноосоо үзэж харах боломжтой.

Таньд хүүдээ, охиндоо үлгэр ярьж өгөх багахан ч гэсэн зав гарахгүй бол бид таны өмнөөс үлгэр яариад өгье. Улаан малгайт, өнхрүүш боов, манжин, царцаа шоргоолж 2 гэх мэт та бидний хүүхэд насандаа сонсдог байсан сайхан үлгэрүүдийг багтаасан үлгэрийн CD-тэй сонсдог  ном маань  багачууд та нарын гар дээр очиж байна.

CD дэхь үлгэрүүдийг манай нэртэй жүжигчид хөгжим, дуу шумын өндөр төвшинд жүжигчилсэн хэлбэрээр уншиснаар үлгэрүүд нь улам сайхан амьд, гоё болсон байгаа. Тaны хайртай хүү, охин чинь эх сайхан монгол хэлээрэй уншиж, ярьж сурахад энэхүү ном ач тусаа өгнө гэдэгт бид итгэлтэй байна.

]]>
Fri, 04 Oct 2013 15:28:40 +0000
<![CDATA[Өрхийн фермерийн аж ахуйг өөрсдөө байгуулъя]]>7,000₮

Өрхийн фермерийн аж ахуй гэж нэрлэж байгаа энэ нэрийн доор нэг өрх айлын хэмжээний нэгдсэн болон төрөлжсөн аж ахуйнууд орох бөгөөд эндээс Монгол орны хаана ч байж болох эрсдэл багатай нэгдсэн өрхийн фермерийн аж ахуйг хэрхэн байгуулж болох талаар танд санаа өгөх зорилгоор нэлээд дэлгэрэнгүй тайлбар, шаардлагатай зурагнуудын хамт оруулан танд толилуулж байна.

Жишээ болгон авч байгаа аж ахуй маань 64 га газар эзэмшин үйлдвэрлэл явуулах ба

1. Сайн үүлдэрийн саалийн үнээ -10.

2. Мэгж-4.

3. Хүнсний мөөг тариалах өрөө -30м2

4. Хүлэмж-58м2

5. Төмс хүнсний ногоо тариалах талбай- 0,4 га

6. Төрөл бүрийн жимсний мод гэсэн төрлүүдээр үйлдвэрлэл явуулаж үхэр, гахайн тэжээлийн 80%-ийг өөрийн эзэмшил газарт тарьж хангана.

Манай улсын хувьд жижиг том аж ахуй гэж ямар хэмжээний аж ахуйг хэлэх вэ гэж тогтсон ойлголт одоохондоо байхгүй байгаа бөгөөд дээрхи аж ахуй нь бусад орны жишгээс харж байхад жижиг аж ахуйд тооцогдож гэр бүлийн хоёр хүн эрхлээд явах бүрэн боломжтой ба газар тариалангийн ажлыг бусад аж ахуйнуудтай хамтран хоршин ажиллаж гаднаас хүн хүч авахгүйгээр амжуулаад байх бололцоотой нь ижил төрлийн гадны фермерүүдийн амьдралаас харагддаг.

Энэ фермерийн аж ахуйн орлого ашиг болон зарцуулах зардлын хэмжээг мөнгөн дүнгээр илэрхийлэх боломж тун хомс байна. Учир юу гэвээс манай улсын дотоод зах зээл тогтворжоогүй, юмны үнэ ханш савлагаатай байгаа байдал нь яс тоо тавих боломжийг хааж байгаа бөгөөд харин тухайн барилга байгууламжинд хэрэглэгдэх материалын хэмжээг ойролцоогоор тоогоор илэрхийлсэн болно.

Фермерийн аж ахуй байгуулахын тулд та яах ёстой талаар Фермерийн аж ахуй гэдэг номонд нэлээд тодорхой дурьдсан тул энд товчхон байдлаар танд хэлэхэд:

1. Байгуулах аж ахуйн төрөлдөө тохируулан байрлах газраа сонгоно.

2. Сонгосон газар дээрээ фермерийн төрөлд тохирсон барилга байгууламжийн зураг өөрөө буюу мэргэжлийн хүнээр хийлгэнэ.Зураг нь ерөнхий план үйлдвэрийн барилга, туслах барилга байгууламж(тус бүрдээ), орон сууц гэсэн хэд хэдэн зургаас бүрдэх бөгөөд зураг тус бүр нь дотроо нижгээд хуудастай байна.

3. Ямар барилга эхлэж барихаас шалтгаалан тухайн барилгад шаардлагатай барилгын материал, механизм, техник хэрэгсэл, материалын агуулах, хүн хүчээ бэлтгэж барилгын талбайд татсан байна.

4. Ерөнхий планы дагуу ямар барилга байгууламжаа эхлэж барихаа та өөрийн үзэмжээр тогтоож барих ажлыг эхлүүлнэ.

б. Барилгын ажпын явцыг хянах удирдах ажлаа та өдөр тутам хийхийн зэрэгцээ дараагийн өдрийн ажпаа урьд өдөр нь төлөвлөж бэлтгэсэн байна. Иймэрхүү менежмент нь барилгын ажлыг тасралтгүй.жигд явуулахад хэрэгтэй байдаг.

7. Нэг барилгын ажлыг дуусгаад нөгөөд шилжиж болох боловч таны боломжоос шалтгаалан хэд хэдэн барилгын ажлыг нэг зэрэг эхлүүлж хийвэл цаг хугацаа хэмнэх сайн талтай.

8.Үйлдвэрийн барилгын ажлын явцад зарим тоног хэрэгслүүдийг хананд болон шаланд суулгаж өрөх.

9.Барилгын суурь, хана, хучилт, дээврийн ажлууд хийгдэж дууссаны дараа цахилгааны болон сантехникийн ажлууд хийгдэнэ. Дээрхи ажлууд хийгдсэний дараа барилгын заслын ажил хийгдэж дуусаад тухайн барилга ашиглалтанд бэлэн боллоо гэсэн үг.

10. Фермерийн аж ахуйн барилгууд баригдаж дууссаны дараа барилгын талбайг цэвэрлэж ерөнхий төлөвлөгөөний дагуу орчны тохижилтын ажлыг хийнэ. Энэ чиглэлээр Эдлэн газрын орчны тохижилт гэсэн тусдаа ном гарах тул тухайн үед нь авч уншина уу.

]]>
Fri, 21 Feb 2014 15:20:28 +0000
<![CDATA[The Dark Books БАГЦ]]>59,100₮

ХАР НОМ-ын хоёр дахь хэвлэл таны rap дээр очиж байна. Энэхүү номонд адал явдал, аймшгийн зохиол сонирхогчдод зориулсан их бага хэмжээний таван зохиол багтсан байгаа. Далдын “мэдэхгүй" хүчний эсрэг гэр бүлээ, өөрийгөө хамгаалах гэсэн тэмцэл, санаанд оромгүй үйл явдлуудын өрнөл энэхүү зохиолуудад дүрслэгдсэн. Хаалганы цаана байгаа айдас төрүүлэм хэн нэгэн, хажууд байгаа нь мэдэгдэх хэрнээ нүдэнд үл үзэгдэх “зүйлс”, өнгөрсөн цаг үед болж өнгөрсөн нууцлаг явдлуудын эрэл сурал гээд энэ бүхэн таныг уйдаахгүй гэдэгт итгэнэ.

Хэрвээ энэ ном таалагдсан бол The Dark Books цувралын өөр хоёр дэвтэр болох Шулмын инээд, Зоорь II гэсэн аймшгийн номуудыг санал болгож байна.

... Яг өмнө нь ямар нэгэн зүйл нүүрийг нь халхлаад хөдөлгөөнгүй байна гэдгийг ойлгов. Уянга гэнэт л дотор нь арзганаад ирэх нь тэр.

Тэгээд тэрээр сэтгэлдээ төрсөн эргэлзээгээ үгүйсгэх гэсэндээ ч тэр үү, эсвэл батлах гэсэндээ ч юм уу салганасан гараа урагш нь сунган өмнөө тулаад байгаа харанхуйг тэмтрэхэд хэн нэгэн хүний нүүрийг хурууныхаа үзүүрээр мэдэрлээ. Яалт ч үгүй хүний нүүр болох хамар, ам байх мөртлөө тэдгээр нь байж боломгүй цэв хүйтэн ажээ.

Уянга татвагас хийтэл цочин гараа татан авахад өнөөх өмнө нь сууж байгаа хэн нэгэн “Эгч ээ, та өлсөхгүй байна уу?” хэмээн түрүүчийн адил асуулаа.

]]>
Tue, 19 Nov 2013 17:11:27 +0000
<![CDATA[Заагчтай уян хавчуур]]>5,000₮

Номын уян, заагчтай хавчуур

  • Бат бөх, уян, хоргүй резин материалтай
  • Номыг давхарлан бооход бас хэрэглэж болно, тэр байтугай балчир хүүхдүүд үсний даруулга болгон хэрэглэж болно
  • Та өөрийн дуртай өнгөө сонгох олон өнгөний сонголттой

Энэхүү хавчуурга нь бүх төрлийн номонд тохиромжтой бөгөөд та аль хуудасны аль мөрөнд явж байгааг тэмдэглээд үлдээдэг. Олон өнгөний сонголттой. Ном унших дуртай хүмүүст номын хавчуур хамгийн хэрэгтэй зүйлсийн нэг. Номын хавчуур нь зөвхөн уншиж байсан хуудсаа олоход туслапдаг бол энэхүү шинэ загварын номын хавчуур нь уншиж байсан мөрийг зааж өгдөгөөрөө давуу талтай.

 

]]>
Wed, 25 Dec 2013 13:20:52 +0000
<![CDATA[Улаан малгайт]]>7,500₮

Цуврал #02. Улаан малгайт

Орос, Гүрж болон бусад орны дэлхийд алдартай ардын үлгэрүүдээс түүвэрлэн оруулсан үлгэрийн ном нь жүжигчилсэн дуу, чимээ хосолсон хэлбэрээр бүтээгдсэн СD -ны хамт хүүхдүүд та бүхэндээ хүрч байна. Үлгэрийн номын зураг дизайн, өнгө будаг нь хэвлэлийн өндөр түвшинд бүтээгдсэн бүтээл юм. Энэхүү сонсдог үлгэрийн номын бусад үлгэрийн номноос ялгарах давуу тал нь номонд орсон бүх үлгэрийн баатар, тэдгээрийн үйл явдлыг нэг бүрчлэн зурж үзүүлсэнээрээ онцлог юм.

Хүүхэд багачууд үлгэрээ сонсож байхдаа тухайн үлгэрт гарч байгаа үлгэрийн баатруудын дуу хоолой, ан амьтан, байгалийн дуу чимээг СD-ээс сонсож мэдэрхээс гадна, үйл явдлыг нэг бүрчлэн номноосоо үзэж харах боломжтой.

Таньд хүүдээ, охиндоо үлгэр ярьж өгөх багахан ч гэсэн зав гарахгүй бол бид таны өмнөөс үлгэр яариад өгье. Улаан малгайт, Өнхрүүш боов, Манжин, Царцаа шоргоолж 2 гэх мэт та бидний хүүхэд насандаа сонсдог байсан сайхан үлгэрүүдийг багтаасан үлгэрийн CD-тэй сонсдог ном маань багачууд та нарын гар дээр очиж байна.

CD дээрхи үлгэрүүдийг манай нэртэй жүжигчид хөгжим, дуу шумын өндөр төвшинд жүжигчилсэн хэлбэрээр уншиснаар үлгэрүүд нь улам сайхан амьд, гоё болсон байгаа. Тaны хайртай хүү, охин чинь эх сайхан монгол хэлээрэй уншиж, ярьж сурахад энэхүү ном ач тусаа өгнө гэдэгт бид итгэлтэй байна.

]]>
Sat, 05 Oct 2013 10:26:48 +0000
<![CDATA[Чадна би]]>3,000₮

Л.Түдэвийн хүүхдэд зориулсан олон алдартай туужууд байлаг. "Чадна би" хэмээх энэхүү ном нь хүүхдэд сургамжтай олон өгүүллэгүүдийг өөртөө багтаасан.

Энэ номын өгүүллэнүүдээс бусад ном, сонинд гарч байсан нь олон боловч зохиолчийн хамгийн шилдэг гэснийг түүвэрлэн “Чадна би“ номыг гаргасан юм

]]>
Fri, 13 Sep 2013 11:40:11 +0000
<![CDATA[Ухаантай охин Маша тэнэг баавгай хоёр]]>7,500₮

Цуврал: Ухаантай охин Маша тэнэг баавгай хоёр. Орос, Гүрж болон бусад орны дэлхийд алдартай ардын үлгэрүүдээс түүвэрлэн оруулсан үлгэрийн ном нь жүжигчилсэн дуу, чимээ хосолсон хэлбэрээр бүтээгдсэн СD -ны хамт хүүхдүүд та бүхэндээ хүрч байна. Үлгэрийн номын зураг дизайн, өнгө будаг нь хэвлэлийн өндөр түвшинд бүтээгдсэн бүтээл юм. Энэхүү сонсдог үлгэрийн номын бусад үлгэрийн номноос ялгарах давуу тал нь номонд орсон бүх үлгэрийн баатар, тэдгээрийн үйл явдлыг нэг бүрчлэн зурж үзүүлсэнээрээ онцлог юм.

Хүүхэд багачууд үлгэрээ сонсож байхдаа тухайн үлгэрт гарч байгаа үлгэрийн баатруудын дуу хоолой, ан амьтан, байгалийн дуу чимээг СD-ээс сонсож мэдэрхээс гадна, үйл явдлыг нэг бүрчлэн номноосоо үзэж харах боломжтой.

Таньд хүүдээ, охиндоо үлгэр ярьж өгөх багахан ч гэсэн зав гарахгүй бол бид таны өмнөөс үлгэр яариад өгье. Улаан малгайт, Өнхрүүш боов, Манжин, Царцаа шоргоолж 2 гэх мэт та бидний хүүхэд насандаа сонсдог байсан сайхан үлгэрүүдийг багтаасан үлгэрийн CD-тэй сонсдог ном маань багачууд та нарын гар дээр очиж байна.

CD дээрхи үлгэрүүдийг манай нэртэй жүжигчид хөгжим, дуу шумын өндөр төвшинд жүжигчилсэн хэлбэрээр уншиснаар үлгэрүүд нь улам сайхан амьд, гоё болсон байгаа. Тaны хайртай хүү, охин чинь эх сайхан монгол хэлээрэй уншиж, ярьж сурахад энэхүү ном ач тусаа өгнө гэдэгт бид итгэлтэй байна.

]]>
Sat, 05 Oct 2013 10:33:53 +0000
<![CDATA[Хөмрөг ба эзэнт гүрэн]]>6,300₮

Галактикийн Эзэнт гүрэн нуран унаж байлаа. Энэ бол Сүүн замын нэг үзүүрээс нөгөө үзүүрийг хүртэл сунан байрласан сая сая од гаригсаас бүтсэн хэмжээлшгүй том Эзэнт гүрэн байлаа. Эзэнт гүрнийхээ хэмжээтэй адилаар уналт нь ч мөн адил нүсэр том байж, удаан үргэлжилж, цаашдаа ч мөн урт хугацаа шаардагдах байв. Уналт эхэлснээс хэдэн зууны дараа нэгэн хүн үүнийг анзаарчээ. Тэр бол улам ихээр хурдасч буй мөхөл, сүйрлийн дундах цорын ганц оч болсон Хэри Селдон байлаа.

Психо-түүх бол нэг хүнтэй бус, хүн төрөлхтөнтэй тулж ажилладаг, олон нийтэд буюу хэдэн тэрбумаар тоологдох хүнд зориулсан шинжлэх ухаан байв. Шинжлэх ухаан биллиардын бөмбөгийн эргээд хаашаа ойхыг өндөр нарийвчлалтайгаар хэлж өгдөгийн нэгэн адил психо-түүх ямар нэгэн үйл явдалд хүн төрөлхтөний үзүүлэх хариу үйлдлийг урьдчилан хэлж чадна. Хэдийгээр ганц хүний үзүүлэх хариу үйлдлийг математикаар урьдчилан тооцох аргагүй ч тэрбум хүнийхийг бол тооцож болох байлаа.

Бүхий л үеийн турш дахь дэлхийн шилдэг уран зөгнөлт цуврал зохиол хэмээх Хюгогийн шагнал-ийг нэрт зохиолч Айзек Азимов өөрийн Хөмрөг бүтээлээрээ алдарт Жей. Ар. Толкейны "Бөгжний эзэн" бүтээлийг ардаа орхин хүртжээ.

Нийтдээ 7 ботиос бүрдэх алдарт Хөмрөг цувралын гол онцлог нь та бидний өнөөдрийн амьдралд аль хэдийн байр сууриа олсон хэдий ч зохиол бичигдэж байх 1944-45 оны үед сураг нь ч дуулдаагүй байсан компьютер, гар утас, интернэт зэрэг технологийн дэвшлийг урвдчилан зөгнөснөөс гадна бидний төсөөлөх ч боломжгүй алс хэтэд өрнөж болох техникийн шинэ ололт дэвшлийг урнаар, шинжлэх ухаанчаар сэтгэмжлэн бичсэн байдаг.

Зохигч: Айзек Азимов, Орчуулагч: Ч. Батсайхан 

]]>
Wed, 11 Sep 2013 12:10:06 +0000
<![CDATA[Будаг амилна]]>3,000₮

Нууц ярианаас сонсож хоцорсон ганц өгүүлбэр

Тэр шөнө тас таранхуй, аймаар нам гүм байлаа. Жаалхүү гэнэт сэрэв. Нөгөө өрөөнөөс хүмүүсийн дүнгэр дүнгэр ярилцах сонсогдож байв. Бүдүүн нарийн хоёр дуу сонсогдоно. Хааяа авга ахын сөөнгө дуу гарна. Шөнө зочид ирсэн бололтой. Ямар зочид ирсний нь мэдэх хүсэл Жаалхүүгийн нойрыг хульжаана. Унтлагын өрөөнөөс гарч нөгөө өрөө рүү орохсон гэхээс арга барагдав. Төдхөн харанхуйгаар тэмтчин хувцсаа өмсөөд Жаалхүү сэмхэн босож чимээ гаргалгүй гэтсээр үүдийг нээж зочидын өрөөнд орлоо. Ширээ тойроод хууз сахалтай, гонзгойвтор нүүртэй хүн, бас нэгэн өргөн дугариг царайтай тарган хүн сууж байв. Жаалхүү маш сэмхэн орж ирсэн тул тэд анхандаа мэдсэнгүй. Жаалхүү юу хийхийгээ олж ядан дэмий л урагш багахан ойртох гэж хөл нүцгэн тул хүйтэн шаланд хайрагдахаас эмээн хөлөө дээр өргөн зөөж тавьтал ширхийх шиг болон таваг нь халуун ориглоо. Тэжээвэр зараан дээр гишигчихжээ. Хашгирах гэснээ амаа барив. Тэжээвэр зараа ч ухас хийж, хамраа шугтнуулсаар чанга чанга найтаалган байшингийн нөгөө булан руу мөлхөж оров.

-Намхай чи наадхаа хараач! Хөөрхөн жаал байна шүү гэж ирсэн зочны нэг гэнэт хэлэхэд Жаалхүү рүү зургаан нүд зэрэг чиглэв.

-Хүүе, чи яагаад босоод ирэв. Орж унт! гэж авга ах зандрав.

-За яахав, хүүхэд хамаа юун бэ гэж ирсэн зочны нэг цааргалахад авга ах:

-Яах нь вэ, яах нь вэ. Том хүний яриа чагнах хэрэггүй. Орж унт! гэсээр Жаалхүү рүү босож ирээд гараас нь хөтлөн унтлагын өрөө рүү оруулаад хүний нүднээс далд болсон тул хацар дээр нь шалхийтэл аяархан боловч сүртэй алагдаад ор руу түлхэж,

-Унт чи! Томчуулын яриа чагнах нь уу, чи задарсан! гэж загнаад . . .

Л. Түдэв. 1968 он

]]>
Fri, 13 Sep 2013 11:30:14 +0000
<![CDATA[Мөнхийн гал]]>3,000₮

Өөртөө итгэх итгэлийг тань мохоох гэсэн хүнээс зугтааж бай !!!

Энэ алдарт үгийн тайлбар нь үе үеийн хүүхэд залуусын унших дуртай "Мөнхийн гал" ном болсон юм. Энэхүү номонд "Урагшаа" нэгдэлд Ихмэдэгч гэгч эрдэмтэн хүү говьд усан үзэм тариалахаар ирсэнээр хүмүүсийн нүдийг орой дээр нь гаргана. Хүний зүүдэнд ч оромгүй сонин санааг агуулж, гайхалтай туршилтыг хийж, гайхалтай сонин түүх өгүүлэх Ихмэдэх хүүгийн адал явдал эцэстээ хүний оюун ухаан гэдэг бол юугаар ч сольшгүй мөнхийн гал юм гэдэг санааг өгүүлэхийг зорьсон билээ.

 

]]>
Fri, 13 Sep 2013 10:44:20 +0000
<![CDATA[Маргад хотын гайхамшигт шидтэн О3]]>5,800₮

"Маргад хотын гайхамшигт шидтэн О3" хэмээх энэ ном нь аль 1900 онд АНУ-д хэвлэгдсэн хэдий ч өнөөдрийг хүртэл хүүхэд багачууд шимтэн уншсаар байгаагийн нууц юу билээ гэвэл... Юуны өмнө жинхэнэ гайхамшигтай уран сэтгэмжийг сэтгэл хөдөлгөсөн сонирхолтой, баялаг хөгжилтэй хурц адал явдалтай хослуулан гаргасан төдийгүй сэцэн мэргэн ухаан халгиж байдагт буй хэмээн үе үеийн утга зохиол судлаачид үнэлж дүгнэжээ.

Энэхүү зохиолыг бичсэн Фрэнк Баум маш завгүй, адал явдал дүүрэн амьдрал туулсан хүн юм. Оз хэмээх гайхамшигт шидтэний тухай цуврал түүх нь дэлхий нийтээр тархаж, түүний нэрэмжит Сан байгуулагдаж, шагнал ч бий болжээ. Оз шидтэний түүхийг Ф.Баумын найз нөхөд, хүүхэд нь үргэлжлүүлэн бичсэн байна.

]]>
Thu, 02 Jan 2014 14:23:46 +0000
<![CDATA[Ухаан]]>3,000₮

Эрхэм дүү нар аа!

Эрт урьдын цагт хүн дөнгөж бий болж байхдаа хүч чадлаар ч дорой, эрдэм ном ч мэддэггүй явжээ. Тэр цагт хүн дээлээ ч оёж өмсөж чаддагүй, хоолоо ч хийх аргыг мэддэггүй, гэр орон ч үгүй байлаа. Байгалийн ширүүн үзэгдэл, элдэв араатан амьтны эсрэг гар хоосон, бие нүцгэн хүн гагцхүү ухаанаараа тэмцсээр байж ялсан юм. Загас шиг сэлдэггүй, шувуу шиг нисдэггүй боловч хүн түүнийг хийж сураад газар ус, тэнгэр гурвыг эзэгнэн захирчээ. Дэлхий дээр хүнээс том, хүнээс хүчтэй амьтан асар олон боловч тэд цөм хүний захиргаанд оржээ. Яагаад тэгсэн бэ? гэвэл хүн хэдийгээр эвэргүй, соёогүй, туурайгүй боловч ухаанаа задалж хорвоог танин мэдэхийг чармайсны үрээр хүчээр биш ухаан хөдөлмөр хоёрыг хослуулснаараа ялагдашгүй хүчтэн болжээ.

Тийнхүү миний бяцхан дүү та нар ухааныхаа хүчээр энэ хорвоогийн ялагдашгүй хүчтэн юмаа.

Лодонгийн Түдэв

]]>
Fri, 13 Sep 2013 11:48:37 +0000
<![CDATA[Speak English - Англиар ярьцгаа]]>10,000₮

Англиар ярьцгаа
Зохиогчийн оршил. Энэхүү гарын авлагын хүсэл зорилго бол англи хэл үзэж байгаа хүмүүст ахуйн сэдвээр яриа хөөрөөнд оролцоход нь хэрэг болох англи хэлнийзүйн дүрмийн үндэс хийгээд хүрэлцэхүйц хэмжээний англи үгийн баялагийг эзэмшихэд нь тус дэм болох санааг өвөрлөсөн бөлгөө.
Уг номд:
- Англи хэлний авианзүйн талаархи товч мэдээ
- Англи хэлний цагаантолгой
- Хичээл болгоны тольтой арвантаван хичээл
- Англи хэлнийзүйн товч лавлах
- Цагаантолгойн үсгээр дэсэлсэн англи-орос (-монгол) толийг агуулж багтаасан болно

Сайн хичээллэж, амжилтанд хүрэхийг ерөөе

Р.Диксон. Сонсох CD дагалдана. Номын зохиогчийн өөрөө уншсан дуу хоолойг оросууд пянзаас электрон хэлбэрт оруулсан бичлэг бий.

]]>
Thu, 21 Nov 2013 18:17:15 +0000
<![CDATA[Аав бид хоёр]]>12,500₮

Хүн болгон алт шиг биш. Гэхдээ хэн ч нэг удаад алт мэт сайхан өгүүлэл бичиж болно. Хоёр юм уу, гурван удаа ч тэгж чадах байх. Харин долоо хоног бүр бичих нь амьдралынх нь амт, хэмнэл болсон хүн түүнийхээ ард тэс өөрөөр оршино гэж үгүй. Тэр тусмаа үйл явдлын тойм биш өөрийн бодол, сэтгэлээ зүгээр л сэгсэрчихдэг хүний хувьд.

Түүнийг би унших дуртай. Түүнийг уншаад эхэлсэн л бол нэг мэдэхэд л дуусчихсан байдаг. Нүд уншиж байвч оюун санаа бол тэртээд Дашинчилэнгийн багачуудтай цэцэрлэгт туучиж, эсвэл энэтээд Орхоны хүүхнүүдтэй л найгаж явна. Хаврын догдлолыг яг л гадаа чинь хавар болж байгаа билүү гэж бодтол, өвлийн жинн хийсэн үзэсгэлэнг ууланд гарч цасанд алхмаар санагдтал авч байна.

Тэр Бетховены тухай бичихдээ хаа байсан 1000 жилийн өмнөх Сүн улсын найрагч эмэгтэй Ли Чин Жаог дурсаж, эш татсан. Та эвэр туурай шиг юм төсөөлөх шахаж байна уу. Үгүй ээ, харин ч бүүдийж зунгаарсан хүний амьдралд тоотойхон төрдөг авьяас билиг, мөнхүү авьяас билигтний туулдаг дүүрч өгдөггүй амьдрал, ганцаардлын тухай мөн л яруугаас яруу нэгэн өгүүлэл бүрэн бүтэн болсон нь энэ юм аа. Түүний мэдрэмж хэр зэрэг вэ гэвэл хариулт нь энэ.

Дарьгангын хамгийн алдартай дарханы хийцийг алмайран харж байгаа хүүхэд шиг л би түүнийг уншдаг. Уншигч та бүхэн энэ номноос нууж далдлахын, бусдаас илүү байх гэж хичээхийн, хожоо хайхын зовлонт мөрүүдийг олж үзэхгүй. Харин хайрыг, нөхөрлөлийг, гансрал цөхрөл хийгээд баяр бахдал, бахархал омгорхолыг цаасан дээр яаж буулгадагийг бахдан харах болно. Түүний уншигч байх сайхаан. Энэ номын хуудсыг нээсэн хүн бүхэн сэтгүүлч Б. Ганчимэгийг баясаж, жаргаж уншина.

 

Энэ бол хайрын дуу билээ. Олон арван жил сэтгэлиин гүнд нуугдаж, дурсах санагалзах, эмзэглэн мөрөөсөхийн агаараар амилсан бодол дурсамжууд маань борлог мориороо галгиулан дөтлөх аавын минь бараа шиг айсуй. Айсуй тэр бараа нэг харахад мөн ч шиг, ахиад харахад биш ч шиг үзэгдэн балчир оюунаар наадаж, хөөр баяр, гомдрол тунирхал ээлжлэн хөглөдөг билээ. Таны сэтгэл оюуны уяа зогсоол дээр чимээ өгөн үүрссээр ирж буй миний онгодын хүлэг уншигч таны дуртгал мөрөөсииг нандин утсыг хөглөж, өнгөрснии хийгээд ирээдүйн баяр, зүрхнии зан совинг эгшиглүүлээсэй хэмээн мөрөөснөм. Бадамдоржиин ГАНЧИМЭГ

]]>
Wed, 11 Sep 2013 12:33:27 +0000
<![CDATA[Нөхдөө өөртөө татаж хүмүүст нөлөөлөх ёсон]]>5,500₮

Миссури муж улсын хэний ч үл мэдэх нэгэн фермээр явсан Дейл Карнеги хүн төрөлхтний эгээхэн хэрэгцээг хангах аргыг олсон учраас дэлхий дахинаа алдаршсан билээ. Тэрээр ийнхүү хэрэгцээтэй юм хийхээ бүр 1906 онд ухаарчээ. Тэгэхэд залуу Карнеги Миссури муж улсын Уорренсбергийн коллежийн төгсөх-ийн өмнөх дамжааны оюутан байжээ. Боловсрол олж авахын тулд түүнд олон бэрхшээл гэтлэх хэрэгтэй болжээ. Тэр ядуу гаралтай байв. Эцэг нь дотуур байрны хөлсийг төлж чадахгүй байсан тул Дейл өдөр бүр нааш цааш 6 миль газрыг мориор туулна.

Тэрээр хичээлээ үзэх зав их муутай бөгөөд зөвхөн ферм дээрээ янз бүрийн ажил хийх хооронд л самбаачилж хичээл номоо үзэж харна. Коллеж дээр зохиогдож буй олонх арга хэмжээнд оролцож үл чадна. Цаг заваар ч хомс, өмсөх тохирох хувцас ч тааруу ердөө л цайны ганц костюмтай байв. Дейл хөл бөмбөгийн багт орж сургуулилахыг оролдсон боловч дасгалжуулагч нь түүнийг жижиг биетэй гэж голжээ. Тэр үеэс Дейл оөрийгөө голж чамлах болсон нь түүний төрөлх авьяасыг илрэхэд саад болж мэдэх байлаа. Үүнийг ойлгосон эх нь Дейлд маргаантай асуудлаар санал солилцох бүлгэмд орж суралцахыг зөвлөж, ингэснээр түүнд их дутагдаж байсан өөртөө итгэх итгэл, бусдын хүндэтгэлийг олж авах боломж бүрэлдэнэ гэж найдаж байв.

Дейл эхийнхээ зөвлөгөөг дагаж хэд хэдэн удаа оролдсоны эцэст тэрхүү бүлгэмд элсэж чаджээ. Энэ үйл явдал түүний амьдралд эрс өөрчлөлт гаргасан юм. Бүлгэмд элссэнээр тэнд үг хэлэх болсноор өөрийнхөө хүчинд итгэх сэтгэл төржээ.

Жил ч өнгөрч амжаагүй байхад уран илтгэлийн уралдаан тэмцээнүүдэд ялах болж, сурлага нь ч ахив. Ахлах дамжааны оюутан болохдоо Дейл уран илтгэлийн бүх дээд шагналыг хүртэв. Бусад оюутнууд түүнээс суралцаж уралдаан тэмцээнд ялах болов. Цааш унших

]]>
Mon, 30 Sep 2013 15:11:00 +0000
<![CDATA[Аз жаргалтай амьдрахуйн урлаг]]>12,000₮

Далай багшийн хоёр бүтээл энэхүү номд багтсан бөгөөд аз жаргалтай амьдрахын тулд хүн өөрийгөө хэрхэн авч явах талаар эхний бүтээлд өгүүлсэн бол удаахид нь XXI зууны хүн төрөлхтөн ёсзүйтэй амьдрахын тулд юу сахиж, мөрдөж явбал зохилтой болохыг тун энгийн үгээр нэн ойлгомжтой тайлбарлажээ.

Энэхүү номыг XIV Далай ламтай Аризон муж болон Энэтхэгт хийсэн бидний хувийн уулзалтын үндсэн дээр бичиж уншигч танаа өргөн барьж байна. Далай ламын аз жаргалын орчин болон түүнд хүрэх арга замын тухай түүний үзэл бодлыг мэргэжлийн сэтгэл зүйч хүний хувьд Өрнөдийн уншигчдад ерөнхий ойлголт өгөх санаанаас үүдэн туурвисан билээ.

Далай лам уг номын хэлбэр сонгох эрхийг чин сэтгэлээсээ надад өгсөн юм. Би ч гэсэн түүний амьдрал өөрийнх нь санаа бодолтой хэрхэн зохицолдож буйг тодорхой харуулахын тулд энгийн хүүрнэх хэлбэрийг сонгов. Далай ламтай зөвшилцсөний дүнд би энэхүү номд гагцхүү аз жаргалыг эрж хайх тухай нэгэн сэдвийг хөндсөн юм.

Түүнчлэн уг номд Далай ламын зөвшөөрлийн дагуу Америкийн Аризона мужид түүний олон түмний өмнө үг хэлж байсан уулзалтуудын зарим нэгэн хэсгийг орууллаа. Далай ламын орчуулагч, доктор Дагданжамба гар бичмэлийн эцсийн хувилбарыг үзэж танилцаад утга санаа хийгээд Далай ламын үзэл санааг үнэн зөв дамжуулсан эсэхийг хянасан юм.

Уншигч таны мэргэн оюун шүүн тунгаах болтугай!

Дээрхийн гэгээн XIV Далай лам, Говард К.Катлер “Аз жаргалтай амьдрахуйн урлаг”, “Шинэ мянганы хүмүүн төрөлхтний ёс зүй” эмхэтгэл.

Орчуулагч: О.Чинбаяр

]]>
Thu, 26 Sep 2013 13:14:56 +0000
<![CDATA[Хятад, Орос, Монгол гурван улсын 1915 оны Хиагтын гэрээ]]>24,500₮

ХЯТАД, ОРОС, МОНГОЛ ГУРВАН УЛСЫН 1915 ОНЫ ХИАГТЫН ГЭРЭЭ

1915 онд Орос Монголын хил дээр орших Хиагт хотноо болсон гурван улсын хэлэлцээрийн дэлгэрэнгүй тэмдэглэлийг бүрэн эхээр нь монгол, орос хэл дээр эрдэм шинжилгээний тайлбарын хамтаар судлаач, уншигч өргөн олон түмэнд хүргэж байгаа болно.

Түүхэнд улс хооронд болсон хурал дотроос хугацааны хувьд хамгийн удаан үргэлжилсэн Венийн бага хурлын (яг нэгэн зууны өмнө болсон) Азийн хувилбар болсон эл Хиаггын бага хурал нь он дамжин 9 cap үргэлжилсэн бөгөөд Хятад, Орос их гүрнүүд өөрийнх нь оролцоотойгоор Чингисийн Монголын XX зууны хувь заяаг тодорхойлсноороо онцгой сонирхол татдаг юм.

Урьд нь улс төрийн шалтгаанаар нийтэд ил болоогүй эл гүүхчн сурвалжаас Хятад, Оросоос энэ зууны эхээр Монголын талаар баримталж ирсэн их гүрний бодлогыг нэвт шувт таньж болох эрдэм шинжилгээ, судалгааны эх сурвалж болсон түүх, архивын баялаг баримт бичиг, мэдээллийг олж болно. XX зууны эхэн үеийн Монголын талаарх Орос, Хятадын бодлогыг тодорхойлох нь тухай үеийн Ази тивийн түүх, олон улсын харилцааны зарим зангилаа асуудлуудыг тодруулахад түлхэц болох учиртай хэмээн үзэж байна.

Эл баримт бичгийн эмхтгэлд гурван улсын Хиагтын гэрээний Франц, Монгол, Орос эхүүдийг оруулсан болно.

]]>
Fri, 08 Nov 2013 15:56:25 +0000
<![CDATA[Хар ном]]>19,500₮

ХАР НОМ-ын хоёр дахь хэвлэл таны rap дээр очиж байна. Энэхүү номонд адал явдал, аймшгийн зохиол сонирхогчдод зориулсан их бага хэмжээний таван зохиол багтсан байгаа. Далдын “мэдэхгүй" хүчний эсрэг гэр бүлээ, өөрийгөө хамгаалах гэсэн тэмцэл, санаанд оромгүй үйл явдлуудын өрнөл энэхүү зохиолуудад дүрслэгдсэн. Хаалганы цаана байгаа айдас төрүүлэм хэн нэгэн, хажууд байгаа нь мэдэгдэх хэрнээ нүдэнд үл үзэгдэх “зүйлс”, өнгөрсөн цаг үед болж өнгөрсөн нууцлаг явдлуудын эрэл сурал гээд энэ бүхэн таныг уйдаахгүй гэдэгт итгэнэ.

Хэрвээ энэ ном таалагдсан бол The Dark Books цувралын өөр хоёр дэвтэр болох Шулмын инээд, Зоорь II гэсэн аймшгийн номуудыг санал болгож байна.

... Яг өмнө нь ямар нэгэн зүйл нүүрийг нь халхлаад хөдөлгөөнгүй байна гэдгийг ойлгов. Уянга гэнэт л дотор нь арзганаад ирэх нь тэр.

Тэгээд тэрээр сэтгэлдээ төрсөн эргэлзээгээ үгүйсгэх гэсэндээ ч тэр үү, эсвэл батлах гэсэндээ ч юм уу салганасан гараа урагш нь сунган өмнөө тулаад байгаа харанхуйг тэмтрэхэд хэн нэгэн хүний нүүрийг хурууныхаа үзүүрээр мэдэрлээ. Яалт ч үгүй хүний нүүр болох хамар, ам байх мөртлөө тэдгээр нь байж боломгүй цэв хүйтэн ажээ.

Уянга татвагас хийтэл цочин гараа татан авахад өнөөх өмнө нь сууж байгаа хэн нэгэн “Эгч ээ, та өлсөхгүй байна уу?” хэмээн түрүүчийн адил асуулаа.

]]>
Tue, 19 Nov 2013 15:54:23 +0000